السلام عليكم ورحمة الله وبركاته
كان تحسب عزتي تحت اياديك ....علم غرورك عزتي مالها حد
وإن كنتي بايعتني وأنا قبل شاريك....اليوم أبيعك وأقطع الوصل وأصد
لاتنخدع في كلمتي ياهلا فيك ....ولاتنخدع لو قلت حبك تجدد
أول ترى بالهجر ماني بناويك....مستبعد إنك تنكر الحب والود
لين إنكشف قصدك وبانت مواريك....طعنتيني والغدر من صوبك إشتد
كم قلت لك مليون مره ترى أفديك ....لكن حسافه غلطتك دوم تجحد
وكم قلت لك إحذر من إني أجافيك....لاتزيد غلطاتك ترى الحال منهد
لكن هذا إنت طبعك يوديك....إنتي الخيانه والغدر فيك مولد
تقدرين تجيبي القمر تحت رجليك ....وتقدرين تحطين الشمس على راحة اليد
وتقدرين تذلين قلوب نفس تداريك....وتقدرين تجيبي من الحجر مويت الورد
لكن لوجيتيني مع أولك وتاليك....مع القمر والشمس مع مويت الورد
ماتهز شعره في قلب من يحاكيك....عند الكرامه كل شئ وله حد
عند الكرامه نمشي بدرب المهاليك ....نارد حياظ الموت لكم لاعد
من قبل حبك فوق عرش المماليك ....واليوم حبك تحت رجلي تمدد
روحي في دربك عسى الله يهديك ....سافري ترى مثلك خساره به الود
وأنا بعد هاليوم ويش أبي فيك....بدور اللي يحفظ الحب من جد
واليوم أنا يادفتري جيت أعزيك ....زمان ماشفتك ياقصيدي توجد
هات القلم أبغاك تشكيلي وأشكيك....إنت الخوي وخابرك ماتبيح السد
أبيك تقول لكل مغرور يجافيك .... --|علم غرورك عزتي مالهاحد